Sen lakh 10 jenjang heroin apu

Aizawl, August 4 (Agencies): Mizoram police-i Lunglei district nung Myanmar nunger ana ket nung heroin gram 318 bena aliba apu.
Tenaji motorcycle ka nung mener liasü aser Pukpui yimtsüng anasa motorcycle mita reprangdang heroin ji bena liasü. Tenati bena aliba heroin jenjangji sen lakh 10 shi alang liasü.
Tenaji Lalmawia (22) aser Vanlalenga (30) na ta jangjaogo aser tena Myanmar kübok Leilet nung alir aser tenati Leilet nungi heroin ji miimba bener aruba liasü. Tena anema Narcotic Drugs and Psychotropic Substances Act, 1985 and Foreigners’ Act kübok ken o ka benokogo.
Taküm January nungi June ita tashi Mizoram nung Excise & Narcotics Department-i heroin seret 3.059 shi puogo, ta department osang ka ajanga metetdaktsü.
Ketdangsertemisa 2016 nung heroin seret 4.039 aser 2015 nunga seret 4.088 apu, department ketdangser kati ashi.