Sen lakh 18 alang heroin apu

Dimapur, Aenjeti/Jan. 29 (TYO): Khuzama Police Station nungi police temi January 28, 2020 nü nikongdang 5:00 ako meta Khuzama yimtsüng aser Viswema yimtsüng tsüngda NH-2 nung MVCP agiba mapang registration number NL07-3687 keta aliba gari (Santro) ka nungi sen lakh 18 shi alang, temulung melemi aliba heroin gram 349 ngutet, ta DEF Kohima indang PRO sangdong ka ajanga ashi. Iba temesepba miim mozü ya sapon teküp agi nembanger lia ngutet.
Iba gari anir alisang, arishi küm 27 tain Loli Poumai, S/o – Dairhu, Village – Phaibung, PO/PS – Tadubi, Dist – Senapati, Manipu ya pua maneni bushisüngdangtsü asoshi Khuzama PS nung ken o ka benokogo, ta kasa sangdong ajanga ashi.