Sen lakh 32 jenjang yi apu

Dimapur, Aenjeti (January) 16 (TYO): Aenjeti (January) 15, 2018 nü Medziphema Battalion-i Lalmati anasa ozüng alema shibelenba yi aika apu.
Assam Rifles sepaitem den police dena mobile check post nung garitem mita reprangdang truck gari ka nung nisung asemi yi bena lia apu.
Gari (NL-01K – 5134) nungji sen lakh 32 shi jenjang alangba Canned Beer (Kingfisher) case 1083 bena liasü aser par asemji Apik Singh, Swoto aser Arif nungertem ta jangjaogo.
Parnok den külemi apuba yitemji Zubza Police Station ket nung agütsüogo aser maneni bushisüngdang südar.