Sen lakh 43 dak tema aser yi bottle 35K puogo

Kohima, Tsüklai 15 (TYO): Tsüklai 27 nü Nagaland nung election magi tsüngda state tesem balala nung Flying Squad aser Static Surveillance Team-i sen lakh 43 dak tema aser iba den külem temesepba oset balala aika puogo.
Yashi tashi nung osang angazükba Chief Electoral Officer Ahijit Sinha-i tanü sangdong ka ajanga ashiba agi, sen 43,00,990 den yi bottle 35,077.5 shi aser can beer 26,579 puogo.
Parnoki prangbong tenet den injang 87 puogo aser kasa mapang nung parnoki temesepba mozü SP capsules aser Nitrosum tablets 19,162, cough syrup bottle 58, ganja kg 220, Heroine gram 5, brown sugar gram 36, opium rolls 5 aser tasaba yi chipo 6 puogo.
Maneni iba telok ajanga gari ana puogo aser okadak ken o 102 benoka tanga bushisüngdangdar, ta kasa osang ajanga metetdaktsü.
Nagaland CEO-i ashiba agi, yi, temesepba mozü, sen aser tanga tenokdangba oset balala belenshiba bushisüngdangtsü asoshi Flying Squads 178 aser Static Surveillance Team 84 kümteta lir.