Sen lakh 53.2 jenjang Range Rover Evoque 2.0-Litre Engine sayaogo

January 12 (Agencies): Gari yangluba company Land Rover-i sen lakh 53.2 jenjang (ex-showroom, Delhi) Range Rover Evoque 2.0-litre engine, India nung sayaogo. Iba gari ya SE Trim nung angutsü aser 2.01 petrol engine aser power output ji 177 kW lir. 2016 December ita nung diesel atsükba 2.01 Pure, SE, SE Dynamic, HSE aser HSE Dynamic nunger sayaba sülen iba ya tasenba model India nung bendenloker.
“2.01 petrol indang 2017 Model Year New Range Rover Evoque India nung sayaba atema onok kanga pelar. Iba tashi tait petrol indang model tasenba India nung agütsütsü asoshi nangzüka aliba ama iba 2.01 engine angutsü.” ta Jaguar Land Rover India Ltd (JLRIL) President, Rohit Suri-i metetdakja liasü.
India nung Land Rover-i yangluba Range Rover (sen 213.41 lakh CBU), Range Rover Sport (sen 117.95 lakh CBU), New Discovery Sport (sen 47.59 lakh) aser 2017 Model Year New Range Rover Evoque (sen 49.10 lakh) garitem angur. Sen jenjang agüja aliba ajakji ex-showroom, Delhi indang lir.