Sen meshitsü/agütsütsü asoshi Aadhaar amshitsü

New Delhi, January 27 (Agencies): Nüburtemi Aadhaar number aser biometrics amshia shishilembatsü asoshi sorkar sentong lir, ta osang ka sangdongogo.
“Onoki tekaraba nung ‘Aadhaar Pay’ sentong tenzüktsü. Iba sentong tenzükba sülen, shishilembaba tesem nung nüburtemi phone mebeni oa lijaliyongba nung Aadhaar number agütsüba ajanga shishilembaba tesem nung sen agütsütettsü, mesüra meshitettsü,” ta Electronics & IT Minister, Ravi Shankar Prasad-i osangbenertemdang ashi.
Iba Aadhaar Pay amshitsü asoshi bank 14 nungbo maparen tenzükdar, aser iba sentong tekaraba nung sayatsü, ta paisa shisem.
‘Digital India’ nükjidong nung central sorkar-i shidi sen mamshii shishilembaba maparen inyaktsü asoshi sentong balala inyakdar.