Sen tasaktiba Samsung Galaxy Note Sep 8 nü sayatsü

June 25, 2017 (Agencies): South Korea nunger electronic oset balala yanglur, Samsung ajanga jenjang tasaktiba Galaxy Note 8 smartphone September nung sayatsü, ta osang ajanga ashi.
AMOLED display aser tang tasenba iOS 11 keta aliba iPhone sayatsü aliba den Note 8 ya tokteptsü südi, ta ashir.
Osang kar ajanga ashiba agi, Samsung Galaxy Note 8 indang jenjang ya $900 asütsü. Aser iPhone tasenba ya sen $1,000 agi sayatsü imlar.
Osang ajanga ashiba agi, Note 8 indang display ya 6.2-inch, dual camera aser battery tashi ya 3,300mAh alitsü. Iba smartphone indang chipset ya Exynos 8895 mesüra Qualcomm Snapdragon 835 aser RAM ya 6GB alitsü.
Samsung ajanga iba smartphone nung mapang kasa nung mapa aika inyaktettsüsa software den S Pen densema yanglutsü.
Samsung Galaxy Note 8 ya tanak, hon aser anüng sentsü nung angutsü imlar.