Sen timba aazükba actor ji Robert Downey Jr. lir

Los Angeles, August 5 (Agencies) : Mongulbarnü Forbes ajanga alima nung sen timba aazükba actor ji “Iron Man” ama shilem agir Robert Downey Jr. lir ta metetdaktsüogo.

Robert Downey Jr.-i Bollywood aser Hollywood nung actor tajungtem aika tan mezüngbuba atema ajatetogo.

Arishi küm 50 tain Downey-i 2014 nungi 2015 tsüngda $80 million shi aazük. Iba ya pai yaküm shilem agiba film “Avengers: Age of Ultron”-i alima ajungalen $1.3 billion shi aazükba ajanga lir.

Forbes tenüng tarensen nung tanabuba jenjang nung China nunger actor aser martial arts star Jackie Chan lir. Arishi küm 61 tain Chan-i yaküm o taküm na tsüngda $50 million shi aazük.

Jackie Chan-i Hollywood actor tem – Vin Diesel, Bradley Cooper, Adam Sandler aser Tom Cruise nunger den sen timba aazük.

Forbes tarensen tasembuba nung Vin Diesel lir.

Ano, Bollywood actor tem rongnungia Amitabh Bachchan, Salman Khan aser Akshay Kumar nungertema tarensen 10 rongnung züngsemogo.

Arishi küm 72 tain Bachchan aser arishi küm 49 tain Salman Khan na menden tenetbuba nung külemi $33.5 million aazük aser arishi küm 47 tain Akshay Kumar menden 9 nung sen $32.5 million aazük.