Sen timtiba aaba film rongnung Black Panther jenjang 3buba tongtetogo

Los Angeles, Rongchii 10 (Agencies): Ryan Coogler indang Black Panther film-i James Cameron indang 1997 küm sayaba Titanic film ajateta US box office nung sen timtiba aaba film rongnung jenjang asembuba tongtetogo.
Black Panther film nung actor tem ajak tanak nisungtem dang lir aser iba film ya Star Wars: The Force Awakens ($936.7 million) aser Avatar ($760.5 million) sülen Rogonü tashi nung USD million $659.3 aazüka tasembuba jenjang tongtetogo, ta hollywoodreporter.com sangdong ka ajanga metetdaktsü.
1997 küm Titanic film sayaba sülen iba film ajanga USD million $659.5 aazüka lir.
Alima ajunga nung tang tashi nung Black Panther film ajanga sen billion $1.29 aazüka lir aser sen timtiba aazükba film tem rongnung jenjang 10 buba nung lir.
Disney aser Marvel superhero film nung ya Chadwick Boseman, T’Challa/Black Panther ama adoker. Pa den külemi Lupita Nyong’o, Michael B. Jordan, Danai Gurira, Daniel Kaluuya, Letitia Wright, Winston Duke, Angela Bassett, Forest Whitaker aser Andy Serkis nungeria tongti shilem agir.