Sen timtiba aazüker celebrity ji Taylor Swift lir

April 14, 2016: Taküm küm sen timtiba aazüker celebrity temaba jenjang nung kentener, Taylor Swift lir, ta magazine ka ajanga shiogo.
Arishi küm 26 ‘Bad Blood’ ken atenla Swift-i nüngtugu actor, Leonardo DiCaprio aser Jay Z madak iba jenjang angu, ta Us magazine ajanga ashi.
Yaküm Swift indang wourld tour ticket yokmaba aser business tezüngzüktep balala ajanga lai US sen million 80 shi aazüka liasü.
Swift indang mobile game-a ka tenzüka lir, aser iba game ji taküm küm tatemlen sayatsü sentong lir.
Ano Lady Gaga-ia yaküm US sen million 59 shi aazükogo.
Record producer, Jay Z-i business balala ajanga US sen million 56 shia azüka liasü.
‘The Revenant’ film ajanga tang mezüng Oscar Best Actor award agizüksang arishi küm 41 Leonardo DiCaprio-ia US sen million 29 shi aazüka liasü.