Senior Citizens’ Day Care Centre lapokogo

Dimapur, October 19 (TYO): Open Doors Senior Citizens Day Care Community Centre Diphupar tanü Diphupar Arogo sanüker aser yimtsüng nung yimtsü yimbo tem matsüngdang lapoka bendanga agütsüogo.
Project Open Doors ya Ms Sotisola Imkong lenisüba kübok Orija Welfare Society puri lapokba lir, koba tantsür tamburtem sensaksemtsü asoshi sabang ka lapoktsütsü asoshi nükjidong nung lapokba dang masü saka health service agütsütsüba aser parnok dak apet social activities balala nung shilem agidaktsütsü asoshi lir.
Open Doors lapokba nükjidong kaji tantsür tamburtemi parnok tain akümba agizükteta taküm nung positive outlook ka akatsüba ajungshitsü asoshi lir, ta ketdangsertemi ashi. Iba centre nung physical exercise aser atsü ayimtsüba amala hobbies atema moapu tilaka lir. Maneni iba tesem ya mata mabensartem atema kanga anisüngzük asütsü kechiyong wheelchairs nunger nung senzütsüba atema portable ramps yangluja lir. ‘Custom designed larger printed recreational board games’, Television Set aser kaket azüngtsü jangrartem atema kaketnang tilaka lir.
Iba project ya Medicus Clinic Diphupar MD Dr Sentitoshi aser Shamakok Dental Clinic, Nagarjan, Dental Surgeon Dr. S. Meyisenla Angh na den teka amteper tenzükba ka lir. Tenadi mapang shia angati health camps aser kodang nündakdir angati temang anepalutsütsü. Iba tesem ya hopta nung anogo asem Senior Citizens Day Care ama amshitsü aser tanungba anogotem ya taa tera agir lokti balala nüngdak nung amshitsü asoshi melatsü. Registration forms tem Open Doors Diphupar, Medicus Clinic Diphupar aser Shamakok Dental Clinic Nagarjan nung angutsü aser iba den külemi osang tejangja aginüra iba number; 9402433262 nung tongteprateptettsü.