Senotsü nung aibelener nisung 31-i linük toktsür jenogo: Sorkar

New Delhi, Metsüremi (Agencies): Senotsü nung aibelener nisung 31-i India linük toktsür jena ogo, ta tanü sorkari Lok Sabha senden nung metetdaktsü.
Shishilembar kari senotsü nung aibelenba sülen linük toktsür oa tanga linüktem nung lidar asü? ta asüngdangba langzüdang Minister of State for External Affairs, M.J. Akbar-i nisung 31 tenüng zünga metetdaktsü, aser item tenüng rongnung Nirav Modi aser Mehul Choksi na densema lir.
Ano tangar tenüng rongnung Nirav Modi kinüngtsü, Ami Nirav Modi aser jabaso Neeshal Modi, Vijay Mallya, Lalit Modi aser Sanjay Bhandari nunger densema lir.
Akbar-i, Ministry-i CBI dang Vijay Mallya, Ashish Jobanputra, Pushpesh Kumar Baid, Sanjay Kalra, Varsha Kalra aser Arti Kalra nunger linük nungi meyipa anir arutsü mepishiogo, ta metetdaktsü.
Item temepishiba shidiji bendang linük balala dangia yokogo, ta paisa metetdaktsü.
Senotsü nung aibelenba dak sendakba nung temerenshi nungi jenbutsü atema India linük toksür ajenertem rongnung tanüngba nisungtemji- Soumit Jena, Vijaykumar Revabhai Patel, Sunil Ramesh Rupani, Pushpesh Kumar Baid, Surender Singh, Angad Singh, Harsahib Singh, Harleen Kaur, Ashish Jobanputra, Jatin Mehta, Chetan Jayantilal Sandesara, Dipti Chetan Sandesara, Nitin Jayantilal Sandesara, Sabhya Seth, Nilesh Parrekh, Umesh Parekh, Sunny Kalra, Aarti Kalra, Sanjay Kalra, Varsha Kalra, Hemant Gandhi, Ishwarbhai Bhat, M.G. Chandrasakhar, Cheriya Vannarakkal Sudeer, Nausha Kadeejath aser Cheriya Veettil Sadique nunger lir.