Sensaker nem ki sütsür koda tajung

– S. T. Yapang Lkr. Kohima.

Modi sorkari inyakba tajung rongnung sensaker nem ki sütsüba scheme Housing for All ya lir, ya jila tesem nung Municipal Department ajanga repranger aser yimtsüngtem nung Rural Development department ajanga rerangtsü. Tang tashibo yimdak senotsü agütsüa ki asü tenzükbabo mangashi, ajisüaka Municipal department-ibo kanga ochishisa iba scheme inyakba ngua liasü, ibaji RTI ACT dak ajemdaker 24 July 2019 anogo onoki inspection aodang par Department inyakyim agi temulung süa liasü, kibong ka nem sen 1,50,000 (lakh ka sür merijang tenem)  sensepjuli (Bank AC) nung inoktsür iba nungji shingaia aluzüktsü makok. Tang asen Mokokchung district nung Mokokchung town, Changtongya, Tuli amala nunga iba scheme ajanga ki asütsü sen aitba mapang lir, yamala sen nung kuli balala kecha agia sen meshitsü makok, kiyong telungjem mesüra yimden ajanga meshitsü makok, shiri meshidir onok dang shiang 9856714829/9612800973 onoki tapet mera agitsü. Kohima nunga yamala osang kar liasü saka ketdangsürtemi mapang shitak nung nokdangogo. Yimdak mesüra jila nung shirnoki anepaludir takar tem dang tayari agütsür sensaker züdokra parnoka kasa timtem ajurutsü. Sensaker asoshi aru nungji sensakertem teyariji angutsü tim.