Sentep ka nung temetettsu o ashir

Pastor : Tang deacon Alokba nem arogotemaika nungdak kar ashitsü mapang agütsür.
Deacon Alokba : Akümtsübua aliba sannüker, temeim asen arogo nung züngsem tajungtem, mapang angu nung Deacon menden nung kanga junga shisadanger lemtetba item onük kar lemsateper, anungji asen arogo nung Tekülem tebur junga agitettsü asoshi ajaki jungjunga angaa lir mapa akümtsü ayongzüker.
1. Tekülem mapangshia, koba sudir suaka, tanaben tsüngtsüng atemtsü minute ka shi lia, laishiba tukopang nung azüloka bener, anung atar front bench bushia tur, tangar jilia aruagi mena alidak, nebou i senmang yutsüba ashishir ama melepoka amenba yimya ya onsarasa majung. Tejaklen menden atanüra jilia arur menang.
2. Shilem agitsü pullit-i atudang, tetsur-tebur ajak, pei temang nung akütba netdok-netra, mejungkut-mera ajak sayua süoshi temesü agir shilem agibaya majung. Tio ka dang sobuang.
3. Tetsür tem süoshi onsara tekangket agir sabangi tua shilem agiba ajanga aika metsüdaker aser temoatsü melena mojing sentong ang atalokdaktsür.
4. Sayutsungi mapang Tsüngrem oji mangai tebang metzü ajak konga laishiba lashia amenba jagi tekulem mazü kümdaktsür. Ibai melenshidi.
5. Tatem sarasadem agidang tsüngmok a amoka kuremrema senzüka aluba ya majung. Iba atema arogoi CCTV camera inoker tangokdar, küm tatem nung sayutsü. Tanu asoshi iba tashi dang sudi.

Lilir : WhatsApp