Sentep kidang tekulem yamai melenshi nung jungtisü na?

– I. Imdang Ozukum, Executive engineer, BSNL.

1. Tekülem kidang chewing gum chir menden nung menaloka toktsüba aser chiyongtsü mejaka amenba aser chiyongtsü teküp agi Tekülem ki menendaktsüba melenshi nung jungtisü na ?
2. Tanü iba Sentep nung temoatsü meshia sarasademtsü ta sür mapang agütsü nung alima ajunga nung wara, menoknok, Syria lima war, Iraq lima war, Israel nung yimjung atema, Indian Prime Minister nungi parliament nung alir, Naga lima Chif Minister nungi Minister MLA ajak atema sarasademer tatem nungbo ‘Talisa’ ta sur iba sentep nung kechisa inyakdir menden nungi shir shilem agir ajak Nai amshiang ta sarasademer, nü mulung süang ta atemer. ‘Talisa’ Talisa masüba ka ta sarasadem nung lemsaa sarasademdang minutes 20 tashi sarasadem, aika mejanga oadok / Amen asüba memetet. Tanü temoatsü atemajibo oren ka agi dang sarasadem. O jembir mapanga rakzük, ya teraa yanglushi nung koda ?
3. Tsüngrem O tajung jangratema manga sentep matem tashi lai dang zünga ken kaküt dang lushia kazüba yimya ya teraa yanglushi nunga jungtisü ?
4. Tekülem kidang mener, tesülen repranga achiji len abelen meyipshia sentep matem tashi amenba ya teraa melenshi nung jungtisü ?
5. Tekulem kidang tejaklen mener tekolak chitepli o jembili, ola matoki temang ajak anokshia menüli ta asüba ya tera-a ajema alu nunga jungdisü ?
6. Tekülem nung o jembir jangratema jembia alidang aser tekülemertem kanga temoatsü ngua anga-a alidang aoksa-a nü Moblie nungi hindi ken, English love song ka tenoktsüdangji tekülemer temoatsü raksatsür aser nü temoatsü mobile jagi asen maak südaktsür ta angateta sentepi arudangbo ghonda ka dangjibo mobile nunga mejembi tajungba, aser off sür mesura silent nung ayu nung ajak atema tajungba asütsü. Naia koma bilemer ?
7. Sentep tenzüker o jembi tenzükdang nungi Ken kaket mesüra laishiba ka lapoker metsüktsüsa amer tenük nung tenük ainla teraa tanak ka agir mejanga oadok aser tenük amubaji tangari majiteter. Idangji na nungi ajaki angashitsüsa ola kar nai memeteti adokra koda ? Olaji tapu aika lir mangpoba, teni akongba aser ano aika lir, kanga kümdanga amen nung maksü mangutsü amai bilemer naia bilemdangang?
8. Tebang shinüm, Sali shinüm, moko züknüm, temang shinum, agi külem anasa amener temoatsü masü saka sentep senshiang yongyasetdakja aseni merenemi aruba agi timmedemdaktsütsüsa kanga junga renemer ao nungang jungtisü ?
9. Kechi o jembidang süang, ‘Aji’ ‘Aji’ Menüngdakba mapang nunga aji agi sünga jembiba ya aji ji kechi ? Ken jungjunga bilemdanga nungdakba nung dang amshitsü teraa ajema amshi nung jungtisü na ?
10. Kanga koda masü mesüra tatemsa temoatsü sarasadem jibo agir ajak külemi senshi nung kanga dang jungla. Na asembaji TV nung angutsü akok !
11. Sentep tesenshi nung tekülem nung kechisa inyak, idakji majungba indang tai mena-a jembitepa senshibajia teraa melenshi nung jungtisü ta lemsateper.
Tajung angateter ajak moajangma.

You must be logged in to post a comment Login