Senti L Jamir-i Ao oshi nung osangtajung ken asem sayaogo

Dimapur, Mongputeni/Oct. 22 (TYO): Frozen heart kentenba telok nung guitarist Senti L Jamir den Alo Wanth Band Bassist, Noksang Jamir aser Regeneration Brothers aser Alo Wanth band guitarist Alem Jamir nungeri Ao oshi nung Khristan ken asem sayaogo. Item kentem ya DABA pastor aser staff temi meshitetja liasü.
Kentem rongnung “Ne Teka songtokang”, “Khrista den Aiener” aser “Amangang” densema lir aser item ken tem ajanga asen tetsübu aser len mejangjai aliba mapang Tsüngrem dak metaloktsü ajungshiba indang lir, ta Sentibai ashi.
Maneni Sentibaisa, kinungtsü Amongla Lkr aser Alem Alia (Tribes Entertainment ltd.) nungeri pa nungita yariba atema parnok tenüng asang.
Paisa, pa medemer Onger (Techonosys), Meyisunep, Akum (BSNL), Imtinüken, Sentimeren (SJP), Talimoa Lkr aser Ruuvilie Angami (Birla Sun life) nungeri iba ken sayaba nung teyari agütsüba atema parnok tenüng asang.
Kentem ya Tribes Entertainment ltd. nung mangaok aser www.dabaarogo.org Music Ministry section nungi angati agi download sütettsü.