Senti Longchar-i Delhi nung kensep ka adoka sayaogo

Mumbai nung Senti Longchar (DK)-i adokba kensep sayadang Krish Datta den designer Priya aser Kajal nunger Senti Longchar (DK) den külemi tangokba noksa yangi angur.

 Delhi, October 5 (Agencies): Senti Longchar (DK)-i Mumbai SASMIRA, Enchante 2015, Fashion Show sentong akaba mapang pai adokba kensep ka sayaogo.

Iba kensep indang CD ya Synthetic & Art Silk Mill’s Association

(SASMIRA) Education & Training Program nung tekolakba, Krish Datta den iba Fashion Show “kingchilli” omen nung ajemdaker design asür, aser designing tsütsü taküm tatem azünger Priya aser Kajal nungeri sayatsü, ta osang ka ajanga metetdaktsü.

Krish-i, DK ta ajasang Senti Longchar ya kanga dang sempet akaba nüngtugu nisung ka lir aser pa ken yagi alima ajak asüngtsü imlar, ta ashi.

Pai Nagaland nungi arur lanurtem dang SASMIRA semdanga iba reju nung designing tsütsü azüngtsü ajushia liasü.

Sentong nung DK-i pa den yaritepa atentsü asoshi arishi küm 7 tanur, Yin Lonchar anir “king chilly” ken atenba ajanga sentepa aliba telok kanga ajungmesoa liasü.