Seoul Mayor jakdang nisung ka pasasa kotari agi atsüng

Seoul, February 24 (Agencies) : Hokolbarnü Seoul Mayor Park Won-soon-i exhibition ka lapokba sentong nung o tejembidak nung nisung tain ka pasasa kotari agi atsüng, ta South Korea ketdangsertemi ashi.
Arishi küm 79 tain, Lee-i Mayor Park anasa ao aser pa dang, ‘Nai nü sasa na Mayor ka ta ashir asü ? ta ashiba sülen ‘Ni asütsüla’ ta shir pasasa pa tebok nung kotari agi atsüng, ta tenük kuli angurtemi ashi.
Iba tambusangji yi agi mesepa jemer liasü, ta osangbenertemi ashi.
Police-i ashiba agi, yimti sorkari terenlok project ka meinyaktsü lemtetba agi Lee ya district office ka den mangatettep tera adoker liasü.
District office-i benokdanga aliba temonokji Lee-i aniba development committee-i meshiba dang nungi tajemba liasü.
Pa kotari agi pasasa tsüngli mozü kidangi anir ao aser tangbo tajungba lir, ta police-i ashi.