Sep 1 nungi train tem senzütsü akok

Guwahati, August 27 (Agencies): North East tesem aser linük nung tanüngba tesemtem tsüngda sendaktepba railway lenmang September 1 nungiang lapoktsü akok.
August 28, 2017 tashi nung train lenmang lapoktsü ta teimla liasü saka tanü Northeast Frontier Railway (NFR) otongdar Nripen Bhattacharyya-i ashiba agi, August 28 nungi oset abenba train-tem senzütsü atema dang lenmang lapoktsü.
“Passenger trains ji September 1 nungi senzütsü akok. Passenger train service metenzük tashi NFR-i maneni special trains senzüdaktsütsü” ta paisa ashi.
Tan August ita tetenzüklen Bihar aser West Bengal nung tzümetsüng ajanga NFR kübok train lenmangtem raksatsü.