Sep 3, 2001 matongdang mapa aiba tesayurtem training nung madentsü; Sep 6 nü Nagaland nung school ajak sodi agütsür

Kohima, September 5 (TYO): Linük den liromedema Nagaland nunga tanü Teachers’ Day mungogo aser iba mapang tesayur 16 nem State Level Awards agütsü.
NBCC Convention Hall nung state level sentong nung jembidang School Education Minister, Tokheho Yepthomi-i “tesayurtemji asen tarutsü atema japi lir, kechiyong parnoki asen tarutsü tia tamendakdak yanglutsür” ta ashi.
Paisa tesayurtem dang tajungtiba inyaktsü aser quality education agütsütsü atema bendanga agütsütsü tayongzükba agütsü.
Nagaland nung education wadang nung tayongzükba aika lir aser iba asoshi asenoki süoki ia bilema inyaktsüla. Tanü asenoki tarutsü Naga nunger putu atema tamendakdak yanglutsür, saka asen state nung zünger mapa mangur aika aliba ya angudang, tarutsü anogotem nung timtem ajurutsü atema arentaka bilemer, ta pai shisem.
“Kaketshirtemi sorkar mapa dak alia tanga mapatem dak rangloktsü mesüra mapa inyakba nung temoatsü lir ta ajungmesotsü aser ayongzüktsü jenjang ka nung tesayurtemi ali asü mali? Tesayurtem aser education department-i iba khuret koktettsü atema mapa inyaktsüla,” ta Tokheho-isa ashi.
March 2019 tashi nung Centre sorkari untrained teachers ajak agientsü atema telemtetba agiogo, ajisüaka Union Ministry of Human Resource Development-i September 3, 2001 matongdang mapai aiba tesayurtembo compulsory training for elementary education nung medendaktsütsü ta metetdaktsüogo, ta Tokheho-isa ashi.
Minister-isa tesayurtem nem tetushi agüja asüng, September 6 nü Nagaland nung school ajak sodi anogo asütsü osang metetdaktsü.
Sentong nung o jembitsü jaoker All Nagaland Private School Association Advisor, Pheluopfelie Kesiezie-i tesayurtem nem tenüngsang agütsü.
Nagaland state nung nija school temi nisung 15-20,000 shi ka mapa inyakdaktsür aser iba ajanga sorkar indang khu pungpadaktsür. Külen kaketshir 70-75% nija rejutem nung azünger. Ajisüaka, nisung kari nija school tem tenüng menüktsütsü meranger, ta
Tesayurtemi maneni Heart, Head & Hand teinyaktsü asem nung ajemdaker mapa inyaktsüla. Tesayur kati temulungjang ajanga temeim, ochishiba aser temeden indang sayur, tekolak ajanga shisatsü aser teka ajanga physical education sayur, ta
Sentong nung Commissioner & Secretary School Education Department, F P Solo-ia o jembidang, tarutsü putu atema asenoki tamendakdak tajung ka yangertsüla ta ashi.
Nagaland nung quality education agi anünger anungji tesayurtemi quantity masü saka qualitative education agütsütsü merangtsüla, ta paisa shise.
Solo-isa kaketshirtemi yimdong aser highways nung Teachers Day badge ayokba indang olen ka jembidang, badge ji school complex nungdang ayoktsüla ta ashi.
Sentong nung Principal Director School Education, Smita Sarangi-i tesayurtem ayongzüka o jembi.
Sentong nungsa National Teachers Awarda angurtem- Mhabeni Murry (Primary Teacher GPS Wokha) aser Teisovilhou Koza (Sr. Graduate Teacher, GHSS Pfutsero, Phek) na tenüng metetdaktsü.
Sentong nung Ministers’ Hill Baptist HSS Kohima kaketshirtemi anir tesayurtem nem sempet agütsü, Jawahar Navodaya Vidhalaya Jakukie kaketshirtemi anir Linük Naklu ken aten, Chandmari HSS-i Radhakhrisnan indang taküm otsü jilushi ka sayu aser Little Flower HSS Kohima-i shilem balaka agi.
Tanü Teachers Day sentong nung Lotha Baptist Church Kohima Pastor, Mhonchumo S Lotha-i temoatsü meshia sarasadem.

Nagaland State Level Teachers Day Award 2017 angurtem:
1. Khesheli Shohe, Sr. Graduate Teacher, GHSS, Dimapur.
2. N.C. Datta, Assistant Teacher, Unity Christian School, Dimapur.
3. Swedesunuo Zao, Head Teacher, GMS, Jakhama.
4. Koijam Jitendra Singh, Assistant Teacher, Christ King HSS, Kohima.
5. Pranav Shekhar, Graduate Teacher, GMS, Zanger village, Kiphire.
6. Brijeetha ET, Assistant Teacher, Loyola School, Kiphire.
7. Sujatha Joseph, Graduate Teacher, GHS, Tamlu, Longleng.
8. H. Wangong, Primary Teacher, GMS, Chi, Mon.
9. Maya Suresh, Assistant Teacher, St. Mary’s School, Mon.
10. I. Chuba Aier, Assistant Headmaster, GHS, Mbaulwa, Peren.
11. R. Mhonbeni Ezong, Post Graduate Teacher, GHSS, Wokha.
12. P. Ruth Khuvung, Assistant Teacher, Mt. Sinai School, Wokha.
13. H. Kitoli Yeptho, Post Graduate Teacher, GMS, Zunheboto.
14. P. Neicha, Primary Teacher, GPS, New Akhegwo, Phek.
15. Talitemjen, Primary Teacher, GPS Yimrongmen, Waromung village, Mokokchung.
16. Mongsenlepla, Primary Teacher, GPS Maksha, Tuensang.