Sepaitemi arrtsü anükba ajanga asenok Diwali amonger: Rajnath

New Delhi, October 29 (Agencies): Honibarnü Union Home Minister, Rajnath Singh-i, asen sepaitemi arrtsü anükba ajanga asenoki Diwali benjung sadoksadoka amonger, ta ashi.
Paisa, arrtsülen security sepaitemi Pakistan sepaitem nem tapet meyiptsüdar, aser India-i shinga tsüngdanga mapudaktsü, ta ashi.
“Pakistan tsütsülen nungi injang yokba atema security sepaitemi tapet meyiptsüdar. Onoki shinga tsüngdang mapudaktsü,” ta pai osangbenertem dang ashi.
Linük nüburtem Diwali benjung amonger süra, ibaji asen sepaitemi arrtsü anükba ajanga lir, ta Home minister-isa ashi.
Home Minister-i, nüburtemi security forces dak tamang akatsüla, ta ashi.
Tanüa RS Pura aser Kathua sectors nung aliba International arrtsü nung Pakistan Rangers temi ceasefire ozüng alema inyakogo.