Sepaitemi Tirap, Arunachal nung NSCN-U züngsem ka apu

Kohima, August 14 (TYO): August 12, 2019 nü osang tejangja ka angashiba nung ajemdaker Indian Army units aser Arunachal Pradesh police nati senteper Tirap district nung operation aoba mapang NSCN-U züngsem ka puogo, ta Bodhbarnü Col C Konwer, PRO (Def)-i sangdong ka ajanga metetdaktsü.
Sepaitemi apusangji Old Kheti Village Tirap district nungi aser tang Khonsa nung alir arishi küm 36, Lieutenant Khuliam Sumpa lir ta jangjaogo, ta kasa sangdong nung shia lir.
Pa ket nungi foreign made (Made in USA) .32 mm Pistol den magazine aser tanga documents kar apu. Maneni bushisüngdangtsü atema pa den pa ket nungi apubatemji Police ket nung agutsüogo, ta sangdong nung shia lir.
Iba operation ya Army aser police nati kanga takok ngua aoba operation ka lir ta züngshir, talisa iba ya ajanga Independence Day mapang nung mepetmesü nokdanger, ta kasa sangdong ajanga metetdaktsü.