Sepoy azüi taküm Republic Day nü Rajpath nung shilem agitsü

indianarmy with dogIndia nunger Sepaitemi yimya tapu balala sayua mesütetba Azü-i telungpurtem den raradang taküm aika kümzüka aruogo. Item azütem nem küm 26 tashi shilem magidaktsüi aruba sülen taküm Republic Day January 26 nungbo shilem agidaktsütsü ta metetdaktsüogo.
Taküm Rajpath nung jajatsü atema Labradors aser  Shepherds azütem 1,200 rongnungi 36 shimteta shilem agidaktsütsü renema lir.
2015 küm August ita Jammu & Kashmir, Line of Control (LoC) Tangdhar sector, nung Territorial Army (TA) meyong azü küm pezü tain Labrador Mansi aser Kashmiri master Bashir nungertemi taküm bendanga agüja tsükchir den raraba kuli tajung lir.
Raradang amshitsü atema azü renemshiba school March 1, 1960  küm Meerut nung tentet.
Iba school nungji azü nem, bomb bushitsü, ali telung nung mine (bomb) aliba menemtettsü aser tsükchir aliba menemtettsü aser nisung nokdangtsü densema tesayuba tapu balala agütsür.
India nunger sepoytemi azü nem menemtettsüba, bomb aliba menemtettsüba, tsükchir arishitsü, tesem balala nung atsüka aliba aser item amala mesükba aika azüdangji sayur.
Talisa parnoki Labradors, German Shepherds aser Belgian Shepherds azütem amshir aser ibaji tsüngsang mepong apir amshir.

You must be logged in to post a comment Login