Sepp Blatter-i IOC menden toktsür

Kuala Lumpur, August 03 (Agencies): FIFA Tir, Sepp Blatter-i International Olympic Committee (IOC) menden tanü Hombar nü toktsüogo.
IOC nung maneni züngsemtsü atema election nung candidate ka ama tanaben shilem agitsü asoshi tenüng benoker 8 rong nung Blatter-a densemtsü liasü saka FIFA-i tawa ochimashiba ken o den sentakba timtem ajuruba yong Blatter-i FIFA Tir mendena toktsütsü lir anungji, pai IOC nung maneni züngsemtsü temeten monguteti aküm.
FIFI Tir tasenba shimtsü election taruba 2016 küm February 26 nü agiba jakdang Blatter-i FIFA Tir mendena toktsütsü lemtetba osang sangokja lir.
“Blatter-i ita 7 süir külen FIFA Tir menden toktsütsü aliba yong tarutsü küm 8 asoshi IOC menden abentsü election nung shilem magitsü lemtetogo,” ta IOC Tir, Thomas Bach-ia metetdaktsü.