Sept 11 nü OM Sanen luden jateper

Mokokchung, Sept 9 (TYO): Ongpangkong Mungdang (OM) Sanen Luden senden ka 11th Sept. 2015 anepdang 10:00 ako nungi Ongpangkong Salang Arkong Ward nung ayongzüka lir ta OM Tir N. Khatang Longchar aser tezülur S. Lanu Jamir nati sangdong ka ajanga metetdaktsüogo.
Asenok Mungdang Platinum Jubilee 29&30th Dec. 2015 nung amungtsü renemogo. Anungji, nüngdak jembitsü aika alinung, yimtsüng/ town unit aser union Sanen Luden nung alir ajak mapang shitak nung medema arua shilem agitsü ketdangpurtemisa mepishia metetdaktsü.
Ano maneni Kilen saru magütsüi alirtem ajaki bener arutsü nenshia metetdaktsür. Iba sangdong dak alaka yimtsüng, Town unit/ Union balala dangi osang balaka meyoktsü ta kasa osang ajangasa metetdaktsü.