Sept. 19 nü matamabensar nem teyari agutsütsü

Dimapur, September 07 (TYO): July 29, 2017 nü Free Distribution of Artificial Limbs for Amputees camp nung tenüng züluoka alir, tetsüng-tepen rangdoker alirtem aser Polio Patients Camp 2017 nung adenertem atema September 19, 2017 nü angati Limbs/Calipers/Wheel Chairs aser Clutches lemtsütsü, ta Brihostibarnü Shree Digamber Jain Charitable Clinic Secretary, Narendra Jain (Pandya)-i tanü sangdong ka ajanga metetdaktsü.

]Iba sentong nung Nagaland aser Arunachal Pradesh Angh, P.B Acharya tongti tesemdanger asütsü.

Patient ajaki Identity cards den pei noksa anana bener September 9, 2017 anepdang 10:00 ako tashi nungbo Jain Temple Premises, Dimapur atongtsüla, ta paisa metetdaktsü.

“Iba dak alia July 29, 2017 nü registeration magitetertem registration agitsü atema September 18, 2017 anüngdang 11:00 ako nung maongka agütsür. September 18 nü measurement agitsü aser patient tasentem atemabo ano tanga anogo ka nung ang angati teyari osettemji agütsütsü. Iba ya July 29 nü maruteter patient kari mepishiba nung ajemdaker maongka agütsür,” ta paisa metetdaktsü.

Tongteprateptsü atema: Narendra Jain (Pandya) Secretary-9436002161, Sanjay Binaikya Joint Secretary- 9436008290, Kishore Gangwal Joint Secretary- 9774001995.