Sept 27 nü DSSU freshers meet agitsü

Dimapur, Rongjui/September 20 (TYO): Rongjui/September 27, 2018 nü IMC hall, Dimapur nung Dimapur Sumi Students Union (DSSU) bi-annual freshers meet den tenüngsang agütsüba sentong repsema “Shaping Visions” (Anhetsu Iqiani) omen nung ajemdaker agitsü.
Iba sentong nung tetushi tejaoker, Andrew Ahoto Sema, Chairman Livingstone Foundation Hr. Sec School aser o jembitsü jaokerji Founding Director of Youthnet, Hekani Jakahalu asütsü.
Iba dak sendakba nung DSSU-i units aser sub-ajak dang Mr. & Ms. freshers contest atema tetsür aser tebur kaka tenüng agütsütsü metetdaktsü.
DSSU-isa Dimapur district kübok institutions ajak dang union den yaritepa HSLC/HSSLC examinations nung Sumi nunger toppers tennüng agutsütsü metetdaktsü. Iba sentong nung toppers nem tetushi agutsütsü.
President Kahito Chishi aser General Secretary Vitopu Ayemi nai sangdong ka ajanga, freshers meet mapang nung temulunger tenla bendentsü, aser ibaji tawa Nagaland nung tzümopung lendong ajanga takoksa angurtem yaritsü asoshi CM Relief fund nem agutsütsü, anungji züngsemtemi mulungsoa tenladaktsüner, ta mepishia metetdaktsü.