Sept 9 nü Mokokchung jila nung nübodok mapa inyaktsü sangdonger

Mokokchung, August 31 (TYO): Swacch Bharat Mission kübok Mokokchung jila nung September 9, 2017 anepdang 8:00 ako nungi tenzüka lokti nübodok mapa inyaktsü ta jila nung aliba nüburtem dang sangdonger, iba den külemi office aser reju balala danga pei temeket merüktettsü metetdaktsür, ta Brihostibarnü ADC & Mokokchung Municipal Council Administrator, W. Manpai Phom-i sangdong ka ajanga metetdaktsü.
Iba den külemi iba anogo nung amshitsü atema ward ajak dang September 8 nü office mapang nung senotsü teyari 3,000 agizüktsü metetdaktsür, ta sangdong nungsa shia lir.