September 11 nü PM Modi-i Rishikesh semdangtsü

Dehradun, September 08 (Agencies): Narendra Modi Ato kilonser akümba sülen tang mezüng pai Uttarakhand semdanga September 11 nü Rishikesh tonga arutsü, kong pai Swami Dayanand Giri ajurutsü.

September 11 nü Rishikesh, Sheeshamjhadi tesem nung Ato kilonser Modi Swami Dayanand Giri indang ashram nung mapang tatsüka intoktsü aser kasa anogo nung Chandigarh-i aotsü, ta Mongolbar nü ketdangser osang ajanga ashi.

Modi-i Swami Dayanand Giri jungjunga meteta lir aser Swami mapang tatsüka temang mejungi aliba ajanga Modi-i pa semdanger, ta kasa osang ajanga ashi.

2014 Lok Sabha election nüboyimba mapang Narendra Modi-i Uttarakhand semdanga liasü, ajisüaka pa Ato kilonser akümba sülenbo tang mezüng semdanger asütsü.