September ita atema Kohima DPDB senden menogo

September 16, 2019 nü Kohima DPDB Conference hall nung DPDB senden nung Advisor Urban Development & Municipal Affairs, Dr. Neikiesalie Kire-i jembiba noksa nung angur. 

Kohima, September 16 (TYO): September 16, 2019 nü DPDB Conference Hall, Kohima nung Kohima District Planning and Development Board (DPDB) senden menogo; iba senden ya Advisor Urban Development & Municipal Affairs, Dr. Neikiesalie Kire mendenbuba ser amen, ta ketdangsertem osang ka ajanga metetdaktsü.
Taoba DPDB senden nung lemtetba onüktem reprangshiba mapang Christian School, Tseminyu, Old Town nem Grant-in-aid agütsütsü dak sendakba nung Kohima DC-i, Sub-Divisional District Planning and Development Board, Tseminyu-i iba onük atema Board nung benok, iba sülen telatetbatem abensaa aliba nung ajemdaker Board-i sorkar matsüngdang benoktsü lemtet, ta metetdaktsü.
Kezieke, Kohima nung Koinonia Baptist School amenoktsü dak sendakba nung committee-i reprangshiba sülen report agütsüdang, gari anentsü moapu lir ta ashiba den külemi taruba academic aser tarutsü atema school sentongtem metetdaktsü.
Departmental profile dak sendakba nung DC-i profile magütsüi aliba departments dang taruba DPDB senden nung reports agütsütsü metetdaktsü.
Paisa plastics amshitsü nokdangba nenshia metedakja Board züngsemtem dang nüburtemi iba maparen atema amlitepa inyaktsü aser iba mapatong takok angutsü atema inyaktsü mepishi.
DC-isa tawa ketdangsertem transfer aser posting dak sendakba nung Village Adoption Committee (revised list) tentetba indang metetdaktsü aser züngsemtem dang shimba village/ward ji taruba DPDB senden nung agütsütsü tuyu.
Senden nung SDO (C) Kohima, Longasen Lotha-i Institution of District Level Awards atema benoka aliba osang, Governor’s award atema applications/proposals inyakyim melenshiba, Inter-Departmental Sport Meet aser single use Plastic nokdangbatem indang süokba sülen o lemtep.
Board-i item onük nung o lemtep aser züngsemtemi pei tebilemba lemsatepba sülen item onük asadanga inyaktsü atema committee ana tentet.
Institution of District Level Awards atema Committee nung convenor ji ADC Kohima asütsü aser züngsemtemji Principal Science College, Project Director RD, Chief Medical Officer, Kohima aser District Public Relations Officer nunger asütsü.
Ano Inter Departmental Sports Meet atema Committee nung Convenor ji SDO (Sadar) Kohima asütsü, member secretary ji DYRSO asütsü aser tanga züngsemtemji SP Kohima, General Manager DIC aser Revenue Officer Kohima nunger lir.
DC-isa verification aser authentication atema facilities ji www.Nvsp.in ajanga agitettsü ta metetdaktsü; item ronnung ‘Voters Helpline’ Mobile App, Common Service Centres (CSCs) kong VLEs-i yariteptsü, Electoral Registration Officers (EROs) office aser Assistant Electoral Registration Officers (AEROs) office nung Voter Facilitation Centres (VFCs) densema lir.
Iba dak sendakba nung pai züngsemtem dang item facilities agitsü aser Election Commission of India aser Election Department-i agütsüba indang facilities ji nüburtem nema metetdaktsütsü ajungshi.
Senden nung society asemi parnok indang tangatetba aser nükjidongtem lemsatepba sülen Board-i item society registration atema sorkar matsüngdang benoktsü lemtet.