Serena-i Madrid Open nung shilem magitettsüsa akümer

Madrid, April 29 (Agencies): Tetsür World No. 1, Serena Williams temang mejungi shirangba yong lai WTA Madrid Open tennis asayamong nung shilem magitettsüsa akümba osang ka tanü, Hokolbar nü metetdaktsüogo.
Australian Open aser Indian Wells na final nung tamakok ngua shilem agiba densema, America tsürla, Serena-i taküm küm tenzüker tanü tashi nung tennis asayamong 3 tashi nung dang shilem agiba osang bushiteta lir.
Alima ajunga nung tennis tajungtiba asayala, Serena-i asayamong aika nung shilem magi süidaktsüba yong Sloane Stephens, Victoria Azarenka aser Angelique Kerber nunger densema, tetsür16 tashi WTA asayamong balala indang takok marok taküm agizüktsü maongka nguogo.
Aji oda, Serena-i tan hopta tatembanglen nungi tenzüka asayatsü ayongba Madrid Open nunga toktepa shilem magitettsüsa akümba yong Poland tsür, Agnieszka Radwanska-i iba asayamong nung temaba jenjang bener asayatsü jenjang nguogo.