Serena o Muguruza na tetsür singles final asayatsü

(Abelen) Serena Williams-i Maria Sharapova madak semifinal asaya akokba sülen pelaba noksa nung angur. (Achijilen) Garbine Muguruza-i Agnieszka Radwanska semifinal asaya nung tsükdaktsüba sülen ali nung apudaka pelaba angur. Serena o Muguruza na tsüngda tan Honibar nü final asayatsü. (London, July 09)

London, July 09 (Agencies): Spain tsür, Garbine Muguruza-i Poland tsür Agnieszka Radwanska madak semifinal asaya akokba sülen tang tasayadak Wimbledon 2015 tetsür singles shilem indang final asayatsü jenjang tanü Brehostibar nü ajangzükogo.
Muguruza-i tanü winners 39 tashi yanglua points 6-2, 3-6, 6-3 agi Radwanska madak takok ngua tan mezüngsüa Wimbledon final-i aiyer lir.
Tesüiba mapang, 1996 nung Aranzta Sanchez-Vicario-i final asayatsü jenjang ngutetba sülenbo Muguruza ya Wimbledon final nung shilem agitsü jenjang nguteter mezüngbuba Spain tsür akümer lir.
Tetsür World No. 1 Serena Williams-ia Russia tsür Maria Sharapova madak semifinal asaya koka tan agi 8 benbuba atema Wimbledon final-i iogo.
America tsür Serena-i tanü minute 79 nung aces 13 aser winners 29 yanglua points 6-2, 6-4 ngua Sharapova madak takok angu.
Arishi küm 21 tain Muguruza aser arishi küm 33 tain Serena na tan Honibar nü final nung ajuruteptsü.
India nunger Leander Paes aser pa den külemi asayar, Switzerland tsür Martina natia Poland nunger Marcin Matkowski aser Netherlands tsür Elena Vesnina na madak takok ngua mixed doubles shilem indang semifinal asayatsü jenjang tanü nguogo.
Paes o Hingis nati tanü ace 1 aser winners 2 yanglua minute 44 nung points 6-2, 6-1 ngua Matkowski o Vesnina na quarterfinal asaya nung tsükdaktsü.