Service balala atema Aadhar Card mamshitettsü: SC

New Delhi, October 07 (Agencies): Centre sorkari Supreme Court (SC) dang temepishiba ka benokba dak sentakba nung tanü SC-i, tang tangbo Aadhar Card ji bank account lapoktsü aser phone connection densema tanga nüngdak balala atema mamshitettsü, ta metetdaktsüogo.
Tang iba card ya public distribution system kübok subsidy tem aser kerosene den sorochokba gas atema dang amshiteter.
Constitution bench kati iba onük mangadang tashi iba card jenjang kasa nung alitsü. Iba onük ya bench tuluba ka nem reprangshidaktsütsü atema asüng Centre-i court nung benoktsü akok.
Sorkari benokba scheme Unique identity mesüra UID programme nung mapang talangka o atsütepa aruba sülen Centre, Reserve Bank of India, stock market watchdog SEBI, telecom regulator TRAI aser state aikati Aadhar Card ya tanga nüngdak balala nung amshitettsü atema Supreme Court nung benoka liasü.
Sorkari benokba UID scheme nung ya fingerprint ama biometric data amshir, aser ibaji ajanga nija ka temeten agiener ta shia court-i ashishir.