Services teloki Santosh Trophy benogo

Services telok nungi asayartem Santosh Trophy nung takok ngur pelatepa tangokba noksa ka yangi angur.

Nagpur, March 13 (Agencies): Arjun Tudu-i goal ana yokba ajanga Services teloki ‘Santosh Trophy National Football Championships’ takok marok nguogo. Deobarnü tatemsa buba asaya nung parnoki Maharashtra madak goal 2-1 agi takok angu.
Taoba küm SAFF Cup asayadang India team nungi asayasang, Tudu-i SEC Railway Stadium nung iba asaya tenzüker minute 26 aser 37 buba nungsa goal ka ka yokba ajanga Services teloki iba takok marok pongubenbuba ngutetogo. Pai item goal ana meyok dang Maharastra nungi Mohammed Shabaz-i asaya tenzüker minute 15buba nung goal ka yokatoker liasü.
Iba takok anguba ajanga Services temi senpet sen lakh 5 angu aser Maharastra telok tanabuba jenjang nung takok anguba atema senpet sen lakh 3 angu.
Asaya tanabuba tesadang tenzüker minute 88buba nung Services telok nungi Hardik Kanojiya red card anguba ajanga parnok nisung teri dang tatem tonga asaya liasü.