Sevastova Bucharest Open final-i iogo

Bucharest, July 16 (Agencies): Latvia tsür, Anastasija Sevastova-i semifinal asaya koka shilem agiba sülen tang tasayadak Bucharest Open WTA tennis asayamong final asayatsü jenjang tanü, Honibar nü ajangzükogo.
Tan asayamong nung 7 buba jenjang abenla, Sevastova-i tanü points 6-3, 6-2 ngua Germany tsür, Laura Siegemund 1 buba semifinal asaya nung ayong ayonga tsükdaktsü.
Taoba mapang, 2010 küm takok marok agizükba sülenbo Sevastova-i tanü tashi WTA takok marok ken danga agizüktsü maongka monguteti lir.
Sevastova-i Romania tsür, Simona Halep aser America tsür, Vania King na tsüngda asayaba 2 buba semifinal asaya nung takok angur den final nung ajuruteptsü.