Seventh Pay Commission-i kobi meli osang agütsütsü

New Delhi, September 23 (Agencies): Central sorkar mapa inyaker lakh 48 jungnüa aser pensioner lakh 55 atema emoluments Seventh Pay Commission-i reprangshia iba osang agütsütsü renema lir aser kobi melii iba osangji finance ministry nem agütsütsü.
Seventh pay Commission-i osang agütsütsü atema taküm August ita nung sorkari parnok nem ita pezü tali agütsüsema liasü (December 31 tashi).
“Commission-i reprangshiba osangji renema lir aser kobi melii agütsütsü,” ta osang ka ajanga ashi.
Commission-i benokba osang nungji state sorkar staff tem itasen-a densemtsü akok, aser iba yongji, Union Cabinet-i Commission nem mezüng ita 18 mapang agütsüba sülen iba mapangji tembangtsü anogo ka lia ano mapang tali agütsüsemogo.
Justice AK Mathur lenisüba nung Commission ya February 2014 nung tenteta liasü aser parnoki benokbatemji (recommendations) January 1, 2016 nungi mapa akümtsü sentong lir.
Central mapa inyakertem pay scale reprangshitsü atema sorkari Pay Commission ya küm 10 shia tenteter aser state tem nunga commission-i benokbatemji tera melenshir benoker.
Iba dak sentakba nung Commission-i lokti tentettem, federations, civil employee telok, defence services densema stakeholders den o lemtep akar.
Iba Commission nung secretary ji Meena Agarwal lir. Tanga züngsemtemji anisüngzüker aliba IAS ketdangser Vivek Rae aser Economist Rathin Roy nunger lir.
Sixth Pay Commission ya January 1, 2006 nungi mapa küma inyak, fifth pay commission January 1, 1996 nungi aser fourth pay commission ya January 1, 1986 nungi mapa küma inyak.