Sevilla-i Europa League takok marok 3 buba atonga agizüker

Basel, May 19 (Agencies): Sevilla teloki goal 3-1 agi Liverpool telok madak takok ngua, Europa League takok marok yashi, Bodbar nü agizükogo.
Sevilla-i küm 3 tsüngda nung tan agi takok marok tasembuba atonga agizüker lir.
England striker, Daniela Sturridge-i asaya tenzüker minute 35 buba nung goal ka agütsüba densema, par Liverpool teloki yashi asaya tetenzüklen temaba jenjang nung asaya.
Ajisüaka, asaya tanabuba shilem tenzüker minute 1 tsüngda nung Kevin Gameiro-i Mariano Perreira-i yanglutsüba cross ball agizüka par Sevilla telok asoshi goal 1 agütsüba ajanga par telok anaprongla goal 1-1 agi sako jenjang kümdaktsü.
Tesülen, asaya tenzüker minute 64 buba nung Coke-i Vitolo-i yanglutsüba cross ball agizüka par telok asoshi 2 buba goal agüja par Sevilla telok temaba jenjang nung ajungkettsü.
Ano, minute 6 shi süir külen, minute 70 buba nung Coke-isa Ever Banega-i renemtsüba ball agizüka par telok asoshi 3 buba aser takokba goal agüja par Sevilla nem takok ngudaktsü.