Seyie Gas Agency-i tetsür 30 nem LPG connections agütsü

Kohima, Rongchii (Apr il) 20 (TYO): National ‘Ujjwala Diwas’ benjung amungba den külemi Seyie Gas Agency Kohima-i tanü tetsür 30 nem angati LPG connection agütsü.
Tanü D Block Panchayat Hall nung sentong ka agidang Kohima nung aser temeket nung alir BPL aser SC/ST kibongtem nungi tetsür 30 nem LPG connection agütsü.
Ministry of Petroleum & Natural Gas indang Pradhan Mantri Ujjwala Yojana scheme nung aliba ama LPG connection tasen agütsü ta Seyie Gas Agency kibur, Kuolachalie Seyie-i ashi.
Tetsürtem tashi itdaktsütsü aser parnok süng agi sorochiok masüba ajanga temang anemalibaren tajungba kümdaktsütsü nükjidong nung iba scheme tenzük. LPG connection tasen aginürtemi AADHAR card, residency proof aser income certificate den SC/ST certificate agütsütsüla, ta paisa ashi.
Iba scheme kübok teyari angutsüpurtemji BPL kibongtem nungi dang asütsü saka SC/ST aser sensaker kibongtem nema teyari agütsür.