SFS puri leper merektetba sentong ayonger

Dimapur, Mongputeni/October 23 (TYO): All Souls’ Day amungtsü aliba nüngtem nung St. Francis de Sales ( SFS ) Parish, Kohima puri Mongputeni/Oct 27, 2018 nü BSF Camp anasa aliba leper merektsü.
Lokti aremba leper ya kin aser denominations balala nungi asür aika anisüngzükba tesem lir aser iba ya Küptoknü merektettsü.
SFS, parish priest Rev. Fr. Richard Fernandes-i, parishioners aser Catholics tem shirnok adianutem iba leper nung rema lir, parnok dang leper merekba sentong nung arua shilem agitsü asoshi mepeshia metetdaktsü.
SFS Parish nung kin balala aika densema lir aser parnoki iba lokti ajungtsü asoshi taa magi inyakba maparen nung arua shilem agitsü asoshi ajak jaokogo.
Leper-i aotsü atema gari Kezieke bus stand nung Küptoknü 9:00 ako nung agütsütsü, ta sentong ayongertemi metetdaktsü.
All Souls’ Day ya alima ajunga nung Yimpoksüi/Nov 2 nü amunger aser iba anogo asür bilemteter aser parnok tanüla atema sarasademja amunger.