‘Sgt. Pepper’ kensep küm 50 ajungba tenüng nung The Beatles temaba jenjang adongtsü imlar

London, June 02 (Agencies): ‘Sgt. Pepper’s Lonely Hearts Club Band’ kensep sayar küm 50 ajungba nüngtem nung The Beatles telok ya UK nung tematiba jenjang tongtettsü imlar.
Paul McCartney, John Lennon, George Harrison aser Ringo Starr nungeri iba kensep ya 1967 nung saya-a UK top chart nung liasü aser küm 50 ajungba benjungmong nüngtem nung iba kensep tanaben sayashir. Iba kensep nung aliba ken ya kija, tarep CD aser 6 CD delux box set angutsü.
Iba kensep sayashiba nung ken temeyoktep inoka lir aser iba yongji iba kensep ya timba yoktettsü imlar. Tang tashi nung iba kensep 24,000 yoka lir aser Ed Sheeran indang tasembuba kensep ‘Divide’ alemyia temaba jenjang tongtettsü imlar. ‘Sgt. Pepper’s Lonely Hearts Club Band’ kensep ya UK otsü nung 1960s mapang hopta 27 tashi temaba jenjang nung liasü.
Iba kensep ya The Beatles indang kensep ti buba lir aser iba kensep nung ‘Lucy in the Sky with Diamonds’ aser ‘A Day in the Life’ amala ken lir.