Shabana Azmi den külemi shilem agiba atema pelar: Juhi Chawla

Mumbai, December 4 (Agencies) : ‘Chalk N Duster’ actress Juhi Chawla-i sempet aketer Shabana Azmi den külemi shilem agidang kanga jangratema liasü ta metetdaktsü.

‘Chalk N Duster’ film yangludang Juhi-i Shabana den külemi shilem agi aser iba mapang la dang nung angazüktsü merang, ta Juhi-i ashi.

“Kanga dang jangratemtsüka liasü. Ni la den mezüng külemi shilem agi aser la actress tajung ka lir” ta laisa shisem.

Iba film nung Juhi aser Shabana naprong tesayur ama shiem agir aser tena Divya Dutta-i ketdangsüba school nung inyaker saka school ketdangsertemi school ji business tsütsü temulung agütsüba anema tenati noktaker.

Iba film ya Jayant Gilatar-i direct asü aser January 15, 2016 nü sayatsü sentong lir. Film nungsa Girish Karnad, Richa Chadha, Zarina Wahab, Aarya Babbar, Jackie Shroff, aser Samir Soni nungeri shilem agir.