Shaggy-i Oct 21 nü Mumbai nung shilem agitsü

Mumbai, October 05 (Agencies): Grammy award angur kentener, Shaggy-i October 21 nü Mumbai nung shilem agitsü.
‘Mr. Boombastic’ ken atensang Shaggy-i Dublin Square, Phoenix Marketcity, Kurla tesemtem nung shilem agitsü, ta sangdong ka nung metetdaktsü.
Jamaican-American reggae kentener & rapper, Shaggy-i anogo asemnü atema India semdangtsü; Iba mapang nung pai Mumbai nung dang masü saka Pune aser Bengaluru yimtitem nunga shilem agitsü.
Shaggy-i tang agi tanabenbuba India semdangi arutsü.
2012 küm pai Bengaluru nung kenten sentong ka nung shilem agia liasü.
Shaggy indang tenüng shitakbaji Orville Richard Burrell lir aser pa ya ‘Boombastic’, ‘It wasn’t me’ aser ‘Angel’ kentem atema kanga nüngtugu lir.
Arishi küm 47 tain Shaggy-i 2015 küm ‘That Love’ ta ser pa indang tesüsabuba single sayaa liasü.
Shaggy indang nüngtugu kentem aika rongnung ‘It Wasn’t Me’, ‘Boombastic’, ‘Hey Sexy Lady’, ‘Oh Carolina’, ‘Luv Me, Luv Me’, ‘Angel’, ‘Wild 2nite, ‘Strength of a Woman’, ‘Ready Fi Di Ride’, ‘Train Is Coming’ aser ‘Don’t Ask Her That’ kentem lir.