Shah Rukh den mangatettep kecha mali: Deepika

Mumbai, August 09 (Agencies): Bollywood actress Deepika Padukone-i Shah Rukh Khan den mangatettep kecha mali, ta metetdaktsü.
Shah Rukh-i Deepika dang mepelar ta osang kar jembiba atema Deepika-i osangbenertem dang ashiba agi, “Nenoki iba osangji azüngdang, pai (Shah Rukh)-i kü dang message ajanga foundation lapokba atema tenüngsang agütsü. Kü indang foundation tenzüktsü atema sentong yangludang ni mezüng pa den jembia tebilemba asüngdang aser pai teti ni yarir aser ajungmesor.”
Deepika-i lapokba “The Live Love Laugh” Foundation ya India nung tekolok meshitakertem atema lapokba lir.
Deepika-i la indang taruba film “Bajirao Mastani” indang noksa ka Twitter nung sayudang #challengeaccepted’ ta ser hashtag ka zülua liasü aser iba ya lar film aser Shah Rukh’er “Dilwale” na tsüngda toktepba indang liasü ta jembir.
Film anaprong ya December 18 nü sayatsü sentong lir aser Deepika-i tweet asüba ngua Shah Rukh jashi aser iba sülen lai iba tweet ji agien ta nisungtemisa jembir.
“Mezüngbuba nung, kü indang film ka indang noksa nung hashtag ka enokba ajanga tanga film ka den sendaktepa jembiba atema ni aoksar. Koma jembiyonga Shah Rukh den kü tesentaktep meraksatsü” ta Vogue Eyewear sentong nung shilem agidang Deepika-i ashi.
Deepika-i Bollywood nung mezüngbuba shilem agibaji Shah Rukh den “Om Shanti Om” film nung shilem agi aser iba sülen “Chennai Express” aser “Happy New Year” nunga shilem agiogo.