Shah Rukh-i Karan aser Aditya na tenüng asang

Aami/June 3, 2019 (Agencies): Shah Rukh Khan-i ashiba agi, film yanglur Karan Johar aser Aditya Chopra nati pa nükjidong ajak ataloktsüogo.
Shah Rukh-i Hombarnü pa, Karan aser Chopra nunger indang noksa tweet asüba den yamai zülutsü: “nükjidong ayutsüji tajung saka item nükjidongtem dang len mesayura kecha tagidak mali.Tena yagi kü nükjidong ajak ataloktsüogo.”
Arishi küm 53 tain actor-i ashiba agi, pai iba osang ya pai alima den lemsatepogo kechiyong film yanglur ana ya pa taküm nung kanga tongtibang lir.
“Kechiba iba ya ni ajak den lemsateper? Kechiyong nü nükjidong dang nungi tongtibangtibaji nü nükjidong atloktsürtem lir,” ta pai ashi.
Shah Rukh aser Karan na Kuch Kuch Hota Hai, Kabhi Khushi Kabhie Gham… aser My Name Is Khan nunger amala film nung külemi shilem agiogo.
Kasa mapang nung Don nung tongti shilem agisang Chopra den Dilwale Dulhania Le Jayenge, Jab Tak Hai Jaan, Veer-Zaara aser Rab Ne Bana Di Jodi nunger amala film tem nung külemi shilem agiogo.
Shah Rukh tatemsa Aanand L. Rai indang Zero film nung shilem agiogo kong Anushka Sharma aser Katrina Kaif natia tongti shilem agia liasü.