Shah Rukh-i University Of Edinburgh nung honorary doctorate angu

London, October 16 (Agencies) : Bollywood superstar Shah Rukh Khan-i University of Edinburgh, Scotland nungi honorary degree ka nguogo.

University Chancellor HRH The Princess Royal in Edinburgh ket nungi Shah Rukh-i degree of Doctor Honoris Causa agizük.

Arishi küm 49 tain SRK-i film 80 den timba nung shilem agiogo aser pa alima nung actor ka ama meimchir yariba aser yaritsü asoshi kurua maliba ajiteta iba sempet agütsü.

Shah Rukh-i mapa tajung inyakbatem rongnung India kübok yimtsüng tia nung aliba tesemtem nung solar power agütsüba, Mumbai hospital ka nung children’s ward lapoktsüba aser tsunami nung timtemba tesemtem nung senotsü teyari agütsüba nungertem dena lir.

“University of Edinburgh-i kü nem tetushi agütsüba atema kanga pelar. Alima nung shisashirtem, mongin nisungtem tsüngsü sülen anidaktsü maongka anguba atema kanga pelar. Alima nung shisaluyimba reju ka nung o jembitsü maongka angubaji kanga dang senti” ta Shah Rukh-i degree agizükba sülen ashi.

“Iba University yagi maneni civic university ka ama India den tesentaktep lia health, academic & research excellence aser social justice atema inyaktsü amanger. India aser South Asia nungi tekolok tajung aika Edinburgh nung angazüktsü aser aintsü atema maongka angutsü imlar.” ta paisa shisem.

Shah Rukh-isa public lecture ka agütsü aser iba sentong nung University of Edinburgh nung azünger South Asian kaketshirtemi aden.