Shah Rukh Khan dang sen lakh 1.93 senchi achi

Mumbai, February 11, 2016 : Shah Rukh Khan-i Bandra nung aliba par ki ‘Mannat’ kima sabang ka ozüng alema yanglu ta aija Brihan Mumbai Municipal Corporation-i Bollywood Megastar dang sen 1,93,784 senchi achi, ta RTI ajanga Brihostibarnü metetdaktsü.

Shah Rukh Khan-i par kima Reinforced Cement-Concrete (RCC) sabang ka yanglu. Iba sabang meyanglu tsüngda activist Anil Galgali meyong vanity van gari yangjisa anena yua liasü. Anüngji iba sabang yangluba anema activist Anil Galgali-i RTI dang nungi osang tejangja kar agitepa liasü.

Yaküma iba dak sentakba nung mepetmesü kar adoka liasü.

Iba tesem nung alir aser activists temi lungkak aitba sülen February 6, 2015 nü municipal commissioner-i Shah Rukh nem iba sabang bentoktsü atema tetuyuba agütsü.

Ajisüaka lateta yutsüba anogo süia sabangji mebentokba ajanga, February 15 nü HK Bhabha Road aser Mount Mary Road na ajurutepba tesem nung aliba sabangji bentoktsü.

Activists temi ashiba agi, iba sabang pa agitsü atema yanglulokdang tangar li dena agisem.

Iba sabang bentoktsüba sülen ozüngi ashi mangaba ajanga BMC-i SRK dang sen 193,785 senchi achitsü aser pai senchi magütsüra pua ayutsü osang agütsü.

Iba osang temai madokdaktsütsü mechi nung SRK-i ola madoki iba sen rangben cheque ka ajanga agütsüogo, ta Galgali-i ashi.

Iba sabang ya 2014 küm yanglu aser iba sabang yagi Mt. Mary Church lenmang nokdanger, ta iba tesem nung alirtemi nemnema liasü.

You must be logged in to post a comment Login