Shah Rukh Khan-i DJ Diplo Mannat-i jaok

October 6, 2017 (Agencies): Shah Rukh Khan aser America nunger nüngtugu DJ Diplo na Shah Rukh indang taoba film ‘Jab Harry Met Sejal’ nung ‘Phurr’ ken atema longjemer inyakba angazüka Bollywood nung yipru ama osang prokshi. Tena longjemba ajanga teprangertem jangratemdakja aliba mapang ka nung maneni actor-i Diplo Mumbai nung par ki Mannat nung party kati jaokogo.
Osang ajanga ashiba agi, Diplo dang masü saka par band Major Lazer dena iba party nung adentsü. Pa band ya February ita kanga dang yongyaa aliba VH1 Supersonic Festival atema India semdangtsü aser iba mapang ya tejaoker ka ama shilem tajung agitsü asoshi Shah Rukh atema maongka tajung ka lir.
Iba benjung ayongertemi ashiba agi, Aryan aser Suhana nati rap ken atener Diplo kanga sabur, anungji Shah Rukh-i Diplo aser par band Mannat semdangtsü asoshi jaokogo. Pai parnok atema party tulu ka ayongzüktsü asoshi sentong lir, kong film industry nungi par medemertem aika arua adenba angutsü.
Osang ajangasa ashiba agi, Aryan aser Suhana nati Diplo indang ken tem kanga jangjaa meteta lir anungji tenati iba aonung atema playlist ya yanglutsü asoshi sentong lir.
Iba party ya Shah Rukh-i ayonger asünung iba nung Bollywood nung nüngtugu nisungtem aikati arua shilem agitsü imlar.