Shah Rukh ‘TED Talk’ nung shilem agitsü

April 26, 2017 (Agencies): Bollywood actor Shah Rukh Khan-i ‘TED Talk’ sentong nung mezüngbuba shilem agitsü asoshi Vancouver-i ogo.
Pa shilem agitsüba osang Twitter ajanga lemsatepa liasü. Shah Rukh-i pa noksa ka den yamai zülutsü. “TED Talks nung shilem agitsü asoshi Vancover-i aoer.”
TED Talks achaayanger Juliet Blake-i Twitter nung yamai zülutsü, “Iba hopta ‘TED’ sapang nung @iamsrk shilem agitsüba yongyaa atar.”
Iba tweet nung Shah Rukh-i yamai telangzüba agütsü, “Iba sentong nung shilem agitsü kanga yongyaa atar aser ni jembitsü renemba onük bilemteta jembitettsü imlar.”
Iba sentong nung SKR dang masü saka Serena Williams aser Elon Musk nungeria shilem agitsü.