Gurgaon, June 02 (Agencies): Brihostibar nikongdang Shahdol nungi BJP MP, Dalpat Singh Paraste Gurgaon nung aliba hospital ka nung süogo, ta party osang ka ajanga ashi.
Pa arishi küm 66 liasü.
May 27 nü sentong ka nung adendang Paraste tekolok nungi azü ayimba timtem adoka liasü, iba sülen pa tayimtsü ajanga Gurgaon-i anir ao, ta district BJP Tir, Anupam Anuraj Awasthi-i ashi.
Ponguben tashi MP inyaksang, Paraste hospital nung süogo aser pa tasümangji asüng rongtoktsü atema par yim, Dhanpuri (Anupur district, Madhya Pradesh)-i bener aotsü, ta paisa metetdaktsü.
Paraste-i 1977 küm mezüng Lok Sabha election nung takok ngua liasü. Pai kinüngtsü den jala pezü aser jabaso ana toktsür alima nungi pilaogo.
Shahdol BJP MP, Dalpat Singh süogo added by asungba on
View all posts by asungba →
You must be logged in to post a comment Login