‘Shakira Bird’ yangluzükogo

September 18, 2015: ‘Angry Birds’ mobile game nung ozü ka Shakira mesüka yanglurdar (animated) aser iba dangji ‘Shakira Bird’ ta ajatsü.

Angry Birds game yanglur, Rovio den lokteper inyakba tenüng nung iba game nung adokba ozütemji ‘Hips Don’t Lie’ ken atenla mesüka yanglutsü, ta Billboard magazine ajanga metetdaktsü.

Arishi küm 38, Shakira-i Rovio nung tekolaksang Peter Vesterbacka den taküm küm tetenzüklen Barcelona, Spain nung lar kidang ajurutepa liasü.

“Ajuruteper minute pongu tsüngda nung kena senteper langaka ka inyaktsüla ta jangja aküm. Kena lokteper mera agiba nung terenlok mezüngbuba ngua ni kanga pelar. Kü den inyakertemi iba ozü tasenba design asüba maparen kanga junga inyakogo….ibai tetenzüker dang lir. Angry Bird games copy million asem adoka lir aser Sakira sapur jenti lir anungji alimai ibai kara meteta akümtsü,” ta pai ashi.

Shakira-i la mesüka yanglur aliba games ji mezüng Instagram nung ‘Shakira Bird’ ta ser enoktsü aser game asayatsü jangrartem asoshi online nung asayatettsüsa enokaja lir.